Latin Vulgate (Clementine)
< previous   Prophecy Of Zacharias   next >
< previous   Chapter 5   next >
01 02 03 04 05 06 07 08 09 10 11 12 13 14            

The vision of the flying volume, and of the woman in the vessel.

[1] Et conversus sum, et levavi oculos meos, et vidi, et ecce volumen volans. [2] Et dixit ad me : Quid tu vides? Et dixi : Ego video volumen volans : longitudo ejus viginti cubitorum, et latitudo ejus decem cubitorum. [3] Et dixit ad me : Haec est maledictio quae egreditur super faciem omnis terrae : quia omnis fur, sicut ibi scriptum est, judicabitur, et omnis jurans ex hoc similiter judicabitur. [4] Educam illud, dicit Dominus exercituum : et veniet ad domum furis, et ad domum jurantis in nomine meo mendaciter : et commorabitur in medio domus ejus, et consumet eam, et ligna ejus, et lapides ejus. [5] Et egressus est angelus qui loquebatur in me, et dixit ad me : Leva oculos tuos, et vide quid est hoc quod egreditur.

[6] Et dixi : Quidnam est? Et ait : Haec est amphora egrediens. Et dixit : Haec est oculus eorum in universa terra. [7] Et ecce talentum plumbi portabatur, et ecce mulier una sedens in medio amphorae. [8] Et dixit : Haec est impietas. Et projecit eam in medio amphorae, et misit massam plumbeam in os ejus. [9] Et levavi oculos meos, et vidi : et ecce duae mulieres egredientes : et spiritus in alis earum, et habebant alas quasi alas milvi, et levaverunt amphoram inter terram et caelum. [10] Et dixi ad angelum qui loquebatur in me : Quo istae deferunt amphoram?

[11] Et dixit ad me : Ut aedificetur ei domus in terra Sennaar, et stabiliatur, et ponatur ibi super basem suam.

< previous   Prophecy Of Zacharias   next >
< previous   Chapter 5   next >