Latin Vulgate Bible

< prev Prophecy of Jeremias (Jeremiah) next >
< prev Chapter 47 next >
1 2 3 4 5 6 7 8 9 10 11 12 13 14 15 16 17 18 19 20
21 22 23 24 25 26 27 28 29 30 31 32 33 34 35 36 37 38 39 40
41 42 43 44 45 46 47 48 49 50 51 52

A prophecy of the desolation of the Philistines, of Tyre, Sidon, Gaza, and Ascalon.

 1 Quod factum est verbum Domini ad Jeremiam prophetam contra Palaestinos, antequam percuteret Pharao Gazam.  2 Haec dicit Dominus : Ecce aquae ascendunt ab aquilone, et erunt quasi torrens inundans, et operient terram et plenitudinem ejus, urbem et habitatores ejus. Clamabunt homines, et ululabunt omnes habitatores terrae,  3 a strepitu pompae armorum, et bellatorum ejus, a commotione quadrigarum ejus, et multitudine rotarum illius. Non respexerunt patres filios manibus dissolutis,  4 pro adventu diei in quo vastabuntur omnes Philisthiim, et dissipabitur Tyrus et Sidon, cum omnibus reliquis auxiliis suis : depopulatus est enim Dominus Palaestinos, reliquias insulae Cappadociae.  5 Venit calvitium super Gazam, conticuit Ascalon, et reliquiae vallis earum : usquequo concideris?

 6 O mucro Domini, usquequo non quiesces? ingredere in vaginam tuam, refrigerare, et sile.  7 Quomodo quiescet, cum Dominus praeceperit ei adversus Ascalonem, et adversus maritimas ejus regiones, ibique condixerit illi?

< prev Prophecy of Jeremias (Jeremiah) next >
< prev Chapter 47 next >

 
TOP OF PAGE